Contoh Pantun MinangKabau

Pantun-Pantun Minang

A.  Pantun Agama

1.       Laka jo dulang dalam lubuak
Pandan baduri malendo jalan
Aka hilang paham tatumbuak
Basarah diri pado Tuhan

2.       Tajam alah celak pun ado
Tingga dibao manggunokan
Adaik alah syarak pun ado
Tingga dikito mamakaikan

3.       Baranang ka hulu aie
Jan lupo jo rantiang lapuak
Alah sanang hiduik di dunie
Kana juo ka mati isuak

4.       Indak dapek sarimpang padi
Batuang dibalah kaparaku
Indak dapek bak kandak hati
Kandak ALLAH nan balaku

5.       Alat baaluah jo bapatuik

makanan banang siku-siku,

kato nan bana tak baturuik

 ingiran bathin nan baliku.

B.  Pantun adat

1.       Talatak puntiang di hulu
Di bawah kumpulan tali
Aso mulo kato dahulu
Tigo limbago nan tajadi

2.       Alah bauriah bak sipasin,

 kok bakiek alah bajajak,

habih tahun baganti musim sandi

Adat jangan dianjak.

3.       Adat biaso kito pakai,

limbago nan samo dituang,

 nan elok samo dipakai

nan buruak samo dibuang.

4.       Bapuntuang suluah sia,

 baka upeh racun sayak batabuang,

paluak pangku Adat nan kaka,

kalanggik tuah malambuang.

5.       Dikaji Adat nan ampek,

itu pusako tanah Minang.

Nak tuah cari sapakaik,

nak cilako bueklah silang.

C.  Pantun nasehat

1.       Anjalai tumbuah dimunggu,

 sugi sugi dirumpun padi.

Supayo pandai rajin baguru,

supayo tinggi naikan budi.

2.       Anak nalayan mambaok cangkua,

mananam ubi ditanah darek.

Baban sakoyan dapek dipikua,

budi saketek taraso barek.

3.       Anjalai tumbuah dimunggu,

sugi sugi dirumpun padi.

Supayo pandai rajin baguru,

supayo tinggi naikan budi.

4.       Anak ikan dimakan ikan,

gadang ditabek anak tenggiri.

 Ameh bukan perakpun bukan,

budi saketek rang haragoi.

5.       Bakato bapikiri dulu,

 ingek-ingek sabalun kanai,

 samantang kito urang nan tahu,

 ulemu padi nan kadipakai

D.  Pantun Jenaka

1.       Rami urang ditangah balai,
Rami dek anak urang Tiku.
Bia kini kito bacarai,
Asalkan nanti kito batamu.

2.       Taluak Bayua ikannyo jinak,
Bao mamapeh dari sampan.
Ayam sikua musang kok banyak,
Raso kalapeh dari tangan.

3.       Rang Parik Putuih kalapau randah,
Mambao balam dalam sarangnyo.
Kasieh putuih sayang tak sudah,
Lauik nan dalam nan di hadangnyo.

4.       Kain batiek tabang mangirok.
Unduang-unduang anak rang Bayang.
Tampak adiek darah tasirok,
Badan bak raso bayang-bayang.

5.       Bia badarai padi sipuluik,
Jiko badarai mangko dikaka.
Bia bacarai kito dimuluik,
Asa dihati indak batuka.